ruzhdishehu.com

5 milion €

Ndërtimi i sheshit të Qendrës së Komunës së Junikut "Edmond Hoxha"

Ky investim do ta transformojë qendrën e qytetit në një hapësirë moderne, multifunksionale dhe atraktive, e cila do të bëhet zemra e aktiviteteve shogërore, kulturore dhe ekonomike të Junikut. Sheshi i ri do të ofrojë një ambient të hapur per organizimin e ngjarjeve, festivaleve dhe aktiviteteve per qytetarët, duke u kthyer në një pikë referimi për te gjithë banorët dhe vizitorët. Ky projekt do të ndikojë drejtpërdrejt në zhvillimin urban, rritjen e turizmit dhe permirësimin e cilësisë së jetës në qytet.

4.3 milion €

Rekonstruimi i shtratit te Lumit Erenik

Lumi Erenik eshtë një nga pasurite natyrore të Junikut,dhe ky projekt synon rregullimin e shtratit të tij për të parandaluar rrezikun e vërshimeve, si dhe për të krijuar një zonë të bukur dhe të sigurt pergjatë brigjeve. Përmes ketij investimi, qytetarët do të kene qasje ne nje mjedis te paster dhe te gielber, ndersa zona do te kthehet ne nje atraksion per aktivitete rekreative dhe turistike. Rekonstruimi do te kete ndikim pozitiv edhe ne mbrojtjen e mjedisit dhe ekosistemit lokal.

800.000 €

Rritja e kapaciteteve për furnizim me ujë të pijes dhe ndërtimi i drenazhës në Lumin Erenik

Sigurimi i ujit të pijshëm është prioritet për çdo qytetar.
Ky projekt i rëndësishëm do të rrisë kapacitetet e furnizimit me ujë, duke garantuar cilësi më të mirë dhe furnizim më të qëndrueshëm. Në të njëjtën kohë, ndërtimi i drenazhës në Lumin Erenik do të sigurojë menaxhim më efikas të ujërave atmosferike dhe mbrojtje nga përmbytjet.

70.000€

Fusha e hapur sportive dhe këndi i lojërave për fëmijë në Lagjen Berishë

Në kuadër të këtij projekti, në Lagjen Berishë do të krijohet një hapësirë rekreative ku fëmijët dhe të rinjtë do të kenë mundësi të kalojnë kohë cilësore, duke u angazhuar në aktivitete sportive dhe lojëra të ndryshme. Këndi i lojërave do të ofrojë kushte të sigurta për fëmijët, ndërsa fusha e hapur sportive do të shërbejë si vendtakim për komunitetin e rinisë dhe sportit. Ky projekt ndihmon në përmirësimin e jetës sociale në lagje dhe nxit zhvillimin e shëndetshëm fizik e mendor të gjeneratave të reja.

300.000 €

Ndërtimi i palestrës së mbyllur sportive

Do t’i ofrojë Junikut një hapësirë moderne dhe funksionale për aktivitete fizike, gara sportive dhe ngjarje komunitare. Kjo sallë do të shërbejë si qendër e zhvillimit të sportit për të rinjtë, duke i motivuar ata për një stil jetese të shëndetshëm, si dhe si vendtakim për aktivitete kulturore e shoqërore që forcojnë komunitetin.

130,000€

Ndërtimi i fushës së hapur sportive në SHFMU “Edmond Hoxha”

Investimi në ndërtimin e fushës sportive për FSHMU “Edmond Hoxha” ka për qëllim përmirësimin e infrastrukturës shkollore dhe sportive, duke u ofruar nxënësve kushte moderne për edukatë fizike, sporte dhe aktivitete të tjera.

480.000 €

Ndërtimi i bazenit gjysmë olimpik

Ky projekt ka për synim krijimin e një baze sportive unike për qytetin, përmes ndërtimit të një bazeni gjysmë olimpik me standarde bashkëkohore. Bazenit do t’i shërbejë si hapësirë për mësim noti, stërvitje të rregullta dhe gara sportive, si dhe për rekreacion të qytetarëve. Ky investim është një hap i madh për promovimin e sportit dhe stilit të shëndetshëm të jetesës në Junik. Ai do të ndërtohet me infrastrukturë përcjellëse dhe parking të dedikuar.

900.000€

Rekonstruimi i Qendrës Inovative Multifunksionale “Pallati i Kulturës”

Qendra e Kulturës do të transformohet në një hapësirë moderne dhe multifunksionale, ku do të zhvillohen aktivitete artistike, kulturore dhe rinore. Ky investim do të ofrojë mundësi për shfaqje, koncerte, ekspozita dhe trajnime, duke e kthyer Junikun në një vatër të gjallë të kulturës dhe inovacionit.

200.000 €

Ndërtimi i rezervuarit 1200 m³ për ujë të pijes në lagjen Pepsh

Përmes ndërtimit të këtij rezervuari, lagjja Pepsh do të ketë furnizim të sigurt dhe të pandërprerë me ujë të pijshëm. Ky projekt do të përmirësojë ndjeshëm cilësinë e jetesës së banorëve dhe do të krijojë kushte më të mira për zhvillim ekonomik e shëndetësor.

100.000€

Renovimi i objektit të administratës komunale

Ky projekt ka për qëllim përmirësimin e kushteve të punës së administratës dhe ofrimin e shërbimeve më efikase për qytetarët. Përmes renovimit të objektit dhe infrastrukturës përcjellëse, do të sigurohet një ambient modern dhe i përshtatshëm për ofrimin e shërbimeve ndaj qytetarëve.

200.000 €

Mirëmbajtja dhe ndërtimi i kanalizimit

Ndërtimi i kanalizimeve për ujërat e zeza është thelbësor për një mjedis të pastër dhe të shëndetshëm. Ky projekt synon të përmirësojë higjienën publike, të mbrojë shëndetin e qytetarëve dhe të reduktojë ndotjen e mjedisit.

200.000€

Ndërtimi i oborrit reciklues të mbeturinave

Ky investim do të krijojë një qendër moderne për menaxhimin e mbeturinave, duke e bërë Junikun një komunë më të pastër dhe më të qëndrueshme. Oborri reciklues do të ndihmojë në ndarjen dhe riciklimin e mbetjeve, duke ulur ndotjen dhe duke promovuar përgjegjësinë mjedisore tek qytetarët.

200.000 €

Ndërtimi i rrjetit të ndriçimit publik smart në të gjitha lagjet e Komunës së Junikut

Ndërtimi i rrjetit të ndriçimit publik është thelbësor për rritjen e sigurisë, lëvizjes së lirë dhe estetikës së qytetit. Ky projekt do të krijojë rrugë më të sigurta për këmbësorët dhe automjetet, si dhe do të kontribuojë në gjallërimin e jetës urbane pas orëve të mbrëmjes.

500.000€

Ndërtimi i rrjetit të energjisë elektrike në bjeshkën e Junikut (Gjocaj-Gropa e Erenikut)

Furnizimi me energji elektrike në bjeshkë do të krijojë kushte më të mira për zhvillimin e turizmit, bujqësisë dhe jetesës në zonat malore. Ky projekt është i rëndësishëm për të mbështetur vizitorët, banorët dhe bizneset që zhvillojnë aktivitete në këto zona.

25.000 €

Organizimi i qëndrimit tërëditor në çerdhe

Ky projekt synon të ju ndihmojë fëmijëve nga mosha 9 muajshe deri në 5 vjeçare, për përgatitjen sa më të mirë parashkollore, ku do të përfitojnë nga orë aktivitete krijuese, ndërsa prindërit do të kenë më shumë siguri dhe mbështetje për fëmijët e tyre gjatë ditës.

50.000€

Ndërtimi i ashensorit për persona me aftësi të kufizuara në QKMF

Ky projekt synon të sigurojë qasje të barabartë për të gjithë qytetarët në shërbimet shëndetësore. Ndërtimi i një ashensori në Qendrën Kryesore të Mjekësisë Familjare do t’u mundësojë personave me aftësi të kufizuara dhe të moshuarve që të marrin shërbime pa pengesa, duke forcuar parimin e inkluzivitetit dhe barazisë.

60.000 €

Ndërtimi i kanaleve të ujitjes

Ky projekt do të përmirësojë infrastrukturën bujqësore duke ndërtuar kanale ujitjeje të reja, që do të garantojnë furnizim të rregullt me ujë për tokat bujqësore. Përmes këtij investimi, fermerët do të kenë mundësi të rrisin produktivitetin, të mbjellin më shumë kultura dhe të sigurojnë prodhime më cilësore për treg.

60.000€

Ndertimi i kaptazhit në Livadhin e Madh dhe tek Vrela e Goçit

Ky projekt fokusohet në përmirësimin dhe funksionalizimin e burimeve natyrore të ujit, për të siguruar një furnizim më të mirë e më të pastër për banorët dhe tokat bujqësore. Përmes këtij investimi, burimet do të mbrohen dhe do të shfrytëzohen në mënyrë më të qëndrueshme, duke kontribuar në zhvillimin e bujqësisë dhe ruajtjen e natyrës.

20.000 €

Rregullimi i parkut te Bunari i Fushës

Ky projekt ka për qëllim krijimin e një hapësire të gjelbër dhe rekreative për qytetarët. Parku do të shërbejë si vend për pushim, shoqërim dhe aktivitete familjare, duke i dhënë qytetit një hapësirë të këndshme për kohën e lirë.

15.000€

Ndertimi i separatorit për largimin e turbulliravetë ujit te burimi i Shkozës (për lagjen Agim Ramadani)

Ky projekt ka për qëllim eleminimin e problemeve me ujin e turbulluar për banorët e lagjes Agim Ramadani.

200.000 €

Shenjezimi i shtigjeve të skijimit (free ride) në Gjeravice dhe ndërtimi i teleferikut (skiliftit)

Do të shënjëzojmë të gjitha shtigjet e mundshme të skijimif (free ride) në zonën e Gjeravicës, ku poashtu do të ndërtojmë teleferikun (skiliftin) i cili do të tërhejk vizitorë nga qytetet përreth Junikut.

Ndërtimi i zonës për kamping

Ky projekt do të tërheqë turistë vendas dhe të huaj, duke ofruar një eksperiencë unike në natyrë, me kushte të përshtatshme për kamping dhe aktivitete rekreative.

Hapja dhe mirëmbajtja e shtigjeve për hiking dhe çiklizëm

Përmes hapjes dhe mirëmbajtjes së shtigjeve të reja për hiking dhe çiklizëm, do të krijohen kushte më të mira për vizitorët dhe aventurierët që duan të eksplorojnë bukuritë natyrore të bjeshkëve tona.

20.000€

Ndërtimi i toaleteve në bjeshkë

Ky investim modest por i domosdoshëm do të përmirësojë kushtet për turistët dhe vizitorët në bjeshkë. Toaletet publike do të rrisin komoditetin e vizitave dhe do të ndihmojnë në ruajtjen e pastërtisë së mjedisit natyror.

Digjitalizimi i shtigjeve malore

Përmes teknologjisë digjitale, shtigjet malore të Junikut do të bëhen më të qasshme dhe të sigurta për vizitorët. Ky projekt përfshin hartëzimin digjital dhe sistemet interaktive të orientimit, duke e bërë eksplorimin e bjeshkëve më të lehtë dhe më atraktiv për turistët e huaj dhe vendas.

Ndërtimi i pikave vrojtuese panoramike në bjeshkët e Junikut

Pikat vrojtuese panoramike do të jenë atraksione të reja për vizitorët dhe turistët, duke ofruar pamje të mrekullueshme të bjeshkëve dhe natyrës së Junikut. Ky projekt synon rritjen e potencialit turistik të komunës dhe përmirësimin e përvojës së vizitorëve.

56.000€ / 400€ për varrim

Mbulimi i shpenzimeve të varrimit

Për të lehtësuar familjet në një nga momentet më të vështira, komuna do të mbulojë shpenzimet e varrimit për në varrezat e qytetit. Ky projekt është një shprehje solidariteti dhe respekti për qytetarët tanë, duke u gjendur pranë tyre në kohë nevoje.

42.000€ / 300€ për lindje

Subvencionimi për gratë lehona

Ky program ofron mbështetje financiare për gratë që sapo kanë sjellë në jetë fëmijë, duke ndihmuar në përballimin e shpenzimeve pas lindjes. Ky subvencion është një formë përkujdesjeje për nënat e reja dhe familjet e tyre, duke përforcuar kujdesin social të komunës.

60.000€

Mbulimi i shpenzimeve shëndetesore për të sëmurët kronik

Do të mbulojmë shpenzimet shëndetësore për qytetarët me sëmundje kronike, duke lehtësuar barrën financiare dhe duke garantuar kujdes më të mirë për shëndetin e tyre.

100.000€

Subvencionimi i fermerëve me pajisje bujqësore

Mbështetja e fermerëve të Junikut me pajisje moderne bujqësore, rrit produktivitetin, ul kostot dhe përmirëson cilësinë e prodhimeve. Subvencionet do të shpërndahen gjatë katër viteve.

100.000€

Bursa për nxënës dhe studentë

Përmes këtij programi, nxënësit dhe studentët do të marrin mbështetje financiare për të vazhduar studimet e tyre. Ky projekt synon të lehtësojë barrën e familjeve, të rrisë motivimin e të rinjve për arsim dhe të krijojë kushte më të mira për zhvillimin e potencialit të brezave të ardhshëm. Investimi në arsim është investim në të ardhmen e Junikut.

20.000€

Subvencionimi i OJQ-ve dhe Sportit

Komuna e Junikut do të mbështesë financiarisht OJQ-të dhe klubet sportive, duke nxitur aktivitete kulturore, sociale dhe zhvillimin e sportit për të rinjtë dhe komunitetin tonë.